"Барселона" вингери Рафинья Диас асосий мақсадига эришмагунча клубни тарк этмоқчи эмас.

Бразилиялик футболчи "кўк-анорранглилар" билан Чемпионлар лигасида ғалаба қозонишни истайди ва бу муваффақиятга эришмагунча ҳеч қаерга кетишни режалаштирмаяпти, деб хабар беради Sport. Қайд этилишича, 29 ёшли футболчи том маънода Каталония гранди таркибида энг нуфузли еврокубокда ғалаба қозониш ҳақида ўйламоқда.

Рафинья 2022 йилнинг ёзида Англиянинг "Лидс" клубидан "Барселона" сафига келиб қўшилганди.

"Барса"нинг Чемпионлар Лигасидаги сўнгги ғалабаси 2015 йилга тўғри келади. Ўтган мавсумда Ханс-Дитер Флик жамоаси ярим финал босқичига қадар етиб борган эди.