"Барселона" дарвозабони Марк-Андре тер Штеген асосий таркибдан ўрин олмайди.
Яқиндагина немис жароҳатини даволаб сафга қайтган бўлса-да, "кўк-анорранглилар"нинг асосий дарвозабони Жоан Гарсия бўлиб қолади. Sport нашри тарқатган хабарга кўра, вазият бундан кейин ҳам ўзгармайди: испаниялик футболчи Ла Лига ва Чемпионлар Лигаси баҳсларида майдонга тушади, тер Штеген эса иккинчи дарвозабон мақоми учун Войцех Шесни билан кураш олиб боради.
Умуман олганда, каталонияликларнинг 33 ёшли сардори тез орада майдонга қайтиши мумкин: катта эҳтимол билан Ханс-Дитер Флик уни Испания Кубоги 1/16 финалидан ўрин олган "Депортиво Гвадалахара"га қарши ўйинда майдонга туширади. Учрашув сешанба куни бўлиб ўтади.
