Ла Лиганинг собиқ ҳаками Алфонсо Перес Бурруль Винисиус Жуниорнинг "Алавес" жарима майдончасида йиқилиши пенальтига асос бўлади, деб ҳисоблайди.
"Реал Мадрид" вингери Ла Лига ўйинининг (2:1) 86-дақиқасида ҳимоячи Науэль Теналла томонидан зарба қабул қилиб олганидан сўнг рақиб жарима майдончасида йиқилди. Ҳакам Виктор Гарсия Вердура пеналти белгиламади ва ВАР ҳакамни мониторга чақирмади.
"Бразилиялик тўпни назорат қилди, аммо Теналла уни йиқитди. Агар ҳакам уни симуляцияда айбласа, сариқ карточка кўрсатиши керак эди", деди Бурруль.













