"Манчестер Юнайтед" яримҳимоячиси Бруну Фернандеш манкунианликлар ўтган ёзда у билан хайрлашишга тайёр бўлганини айтди.
"Клуб ёзда кетишимни хоҳлади ва бу фикр миямга ўрнашиб қолди. Мен бу ҳақда директорларга айтганман, лекин ўйлашимча, улар бундай қарор қабул қилишга журъат этишмаган. Мен қолишга қарор қилдим - қисман оилавий сабабларга кўра, лекин бу клубни чин дилдан яхши кўрганим учун ҳам. Мураббий билан суҳбат менга ҳам таъсир қилди. Аммо раҳбарият томонидан "Сен кетсанг, унчалик хафа бўлмаймиз", қабилидаги гаплар сезилиб турарди.
Бу менга жуда оғир ботади. Ҳатто унчалик оғриқли ҳам эмас, қайғули ҳам эмас, чунки мени айблаш учун мутлақо ҳеч нарса йўқ. Мен доим сафдаман, доим ўйнайман. Қўлимдан келганини қиляпман. Кейин атрофга қарайсан ва клубни у қадар қадрламайдиган, уни ҳимоя қилмайдиган футболчиларни кўрасан. Мана шундан одам жуда хафа бўлади", - дея Фернандешнинг сўзларини келтиради Sport Witness.
