Жароҳат олган Жамал Мусиала тикланишга яқинлашмоқда. "Бавария" матбуот хизматининг ёзишича, германиялик ҳужумкор ярим ҳимоячи клубнинг асосий таркиби билан машғулотларда иштирок этди.
Эслатиб ўтамиз, футболчи ёзда клублар ўртасидаги жаҳон чемпионатида кичик болдир суягини синдириб, тўпиғини чиқариб олгани учун янги мавсумда ҳали ўйнамаган эди.
Мусиала тахминан январь ойи ўрталарида майдонга қайтишга тайёр бўлади.
14 тур якунларига кўра, "Бавария" 2-ўриндан 9 очко олдинда бўлиб, Бундеслигада пешқадамлик қилмоқда.
