"Челси"нинг бразилиялик ҳужумчиси Эстевао АПЛнинг 16-туридан ўрин олган "Ньюкасл"га қарши ўйинни ўтказиб юборади.
Ҳужумчи мушакларидан жароҳат олди. Унинг қачон сафга қайтиши ҳозирча маълум қилинмаяпти, бироқ у яқин дам олиш кунлари жамоасига ёрдам бера олмайди, дея хабар бермоқда Фабрицио Романо.
Кеча "Челси" Англия Лига кубоги чорак финалида "Кардифф Сити" меҳмони бўлиб, 3:1 ҳисобида ғалаба қозонди. Бразилиялик футболчи ўйинда иштирок этмади.
Охирги марта нархи 80 млн еврога баҳоланаётган 18 ёшли форвард 13 декабрь куни "Эвертон"га қарши ўйинда майдонга тушганди.
2025/2026 йилги мавсумда Эстевао умумий ҳисобда 58 та ўйинда майдонга тушиб, 17 та гол урди.













