"Челси" бош мураббийи Энцо Мареска Англия Лига Кубоги чоракфиналидан ўрин олган "Кардифф"га (3:1) қарши ўйиндан кейин Лондон клуби раҳбарияти билан муносабатларини муҳокама қилишдан бош тортди.
"Клубнинг қўллаб-қувватлашини ҳис қиляпманми? Ҳозир энг муҳими, кейинги босқичга чиқдик. Мухлисларнинг қўллаб-қувватлаши ҳар доим юқори даражада бўлган. Биз тўғри йўналишда кетяпмиз. Мен нима қилсам ҳам, ҳаммага - мухлисларга, футболчиларга, ҳар бир кишига энг яхшисини хоҳлаганим учун қиламан.
Директорлар билан гаплашдимми? Йўқ, "Эвертон" билан ўйиндан бир кун ўтиб айтганимдек, бор эътибор "Кардифф"га қаратилади. Энди "Ньюкасл" ўйинларини томоша қилишим керак. Мен ҳеч ким билан гаплашмадим", - деди Мареска Sky Sports’га.
