Кристофер Нкункунинг "Милан"даги фаолияти муваффақиятсизликка учради, футболчи деярли ўзини кўрсата олмади - шунинг учун клуб раҳбарияти аллақачон футболчидан қутулиш вариантларини кўриб чиқмоқда. Унинг агенти Пини Захави аллақачон бу масала устида ишламоқда ва ҳозирда унинг Саудия Арабистони клубига сотилиши энг реал вариант сифатида кўринмоқда, деб ёзади Туриннинг Tuttosport нашри.

Эслатиб ўтамиз, "Челси"дан кўчиб ўтган франциялик ҳужумчи "Милан" сафида мунтазам майдонга тушиб келмоқда, аммо шу пайтга қадар клуб сафида бирорта ҳам гол ура олмаяпти. Айни пайтда клуб 18 декабрь куни старт оладиган Италия Суперкубогида иштирок этиш учун Саудия Арабистонига йўл олган.