Лондоннинг "Арсенал" клуби ярим ҳимоячиси Мартин Субименди жамоанинг очиқ машғулотларида иштирок этмади. Бу ҳақда Sky Sports Football журналисти Сем Блик хабар бермоқда.
Аммо миш-мишларга кўра, хавбек бошқа жойда якка тартибда шуғулланган. Бу мавсумда Субимендининг машғулот юкламаси биринчи марта тартибга солиниши эмас. Манбага кўра, жароҳатидан тикланишда давом этаётган Хаверц ва Габриэль ҳам машғулотда бўлмаган.
Жорий мавсумда 26 ёшли Субименди барча мусобақаларда 21та ўйин ўтказиб, 2та гол урди ва 3та голга ҳаммуаллифлик қилди.
"Арсенал" 20 декабрь, шанба куни "Эвертон" меҳмони бўлади.













