"Атлетико Мадрид" бош мураббийи Диего Симеоне Испания кубоги 1/8 финалидан ўрин олган "Атлетико Балеарес"га қарши ўйин олдидан матбуот анжуманида қатнашди. Учрашув 17 декабрь куни тунда бўлиб ўтади.
"Рақиблар иштиёққа тўла. Улар ажойиб мавсум ўтказаётган "Эспаньол"га қарши ажойиб ўйин ўтказишди [1:0]. Катта жамоалар ушбу мусобақага унчалик қизиқиш билдиришмаяпти ва сен унга тайёр эканлигингни тушунганингда, реакция билдиришга кеч бўлади, ахир ўйин фақат битта, рақиб стадионида," - дея Симеоненинг сўзларини келтиради Into the Calderon портали.
"Плей-офф ўйинлари асабийроқ ва кескинроқ бўлади. Ким хато қилса, ўша турнирни тарк этади".
"Атлетико Балаерас" мамлакатнинг тўртинчи даражали лигасида турнирнинг ҳозирги босқичига чиққан ягона вакил ҳисобланади.
