"ПСЖ" ҳимоячиси Нуну Мендеш "Фламенго"га қарши ўйиндан кейин жамоанинг россиялик дарвозабони Матвей Сафоновни мақтади.
"Бу қийин ўйин бўлди. Ўйиндан кейин Сафоновга раҳмат айтдик. Албатта. Бугун у пенальтилар сериясида ўзини кўрсатди ва мен ундан хурсандман. У ажойиб йигит, ҳар доим ҳамма билан ҳазиллашади. Унинг "ПСЖ"да эканидан хурсандмиз. Майдонда ҳам, ундан ташқарида ҳам у ақл бовар қилмайдиган одам. Пенальтилар сериясида икки марта хато қилдик, аммо Матвей тўртта зарбани қайтариб, бизни қутқарди", - дея Мендешнинг сўзларини келтиради Canal Supporters.
Сафонов пенальтилар сериясида рақибнинг кетма-кет тўртта зарбасини қайтарди ва учрашувнинг энг яхши футболчиси деб топилди.
