"Манчестер Сити" дарвозабони Жеймс Траффорд "Брентфорд"га (2:0) қарши ўйинда дарвозани дахлсиз сақлаб, жамоани Англия Лига Кубоги ярим финалига олиб чиқди.

Инглиз фақат кубок баҳсларида майдонга тушмоқда - у Жанлуижи Доннарумманинг ўринбосари роли билан кифояланишга мажбур.

"Траффорд - ажойиб дарвозабон. Ё бири, ё иккинчиси ўйнайди. У эса чап қанот ҳимоячиси позициясида ўйнай олмайди. Ҳозир асосий таркибдаги ўрин Жижига тегишли, аммо Жеймс - энг юқори даражадаги дарвозабон, бунга шубҳа йўқ. У Лига кубогида яна камида иккита ўйинда майдонга тушишидан жуда хурсандман.

У Чемпионлар лигасида "Байер"га қарши ҳам ўйнаган. Ҳа, мен унга ишонаман ва ҳаммага имконият беришга ҳаракат қиламан," - дея "шаҳарликлар" бош мураббийи Хосеп Гвардиоланинг сўзларини келтиради City Report.