Португалиялик афсонавий мураббий Жозе Моуриньо мураббийлик фаолиятидаги 750 та ғалаба ҳақида фикр билдирди. Кеча бўлиб ўтган Португалия кубоги 1/8 финали доирасида "Бенфика"нинг "Фаренсе" устидан қозонган ғалабаси (2:0) юбилей бўлди.
"750 ғалаба - улардан энг муҳими қайси? Энг биринчисими? "Бенфика" "Белененсеш" устидан? "Порту" Чемпионлар Лигасида "Монако"дан устунми? "Интер" Чемпионлар Лигаси иккинчи финалида "Бавария" устидан? Бугунги "Фаренсе" ва "Бенфика" учрашуви?
Йўқ! Кейингиси. Келинг, кейингиси устида ишлаймиз!", - дея Моуриньонинг сўзларини келтиради EuroFoot Х ижтимоий тармоғида.
Португалиялик мураббий фаолияти давомида 10 та клубни бошқарган. У 26 та совринни қўлга киритди ва тўрт марта йилнинг энг яхши мураббийи деб топилди.













