"Арсенал" марказий ҳимоячиси Габриэль дос Сантос ноябрь ойида жароҳат олганидан сўнг яна майдонда машғулот ўтказмоқда, деб хабар берди "канонирлар" бош мураббийи Микель Артета.
"У ҳар доимгидек тинимсиз машқ қилмоқда ва жуда яхши натижаларга эришмоқда. У майдонда машқ қилмоқда, шунинг учун унинг қайтишига унчалик узоқ вақт қолмади. Биз унинг реабилитациянинг кейинги босқичларида қандай ривожланишини кўришимиз керак, аммо биз жуда оптимистикмиз", - деди Артета.
Эслатиб ўтамиз, Габриэль ноябрь ойидаги халқаро танаффус пайтида Бразилия терма жамоаси сафида ўйнаб юрганида жароҳат олган. Кейинчалик унинг ўрнини "Канонирлар" таркибида Пьеро Инкапье эгаллади.
