"Манчестер Сити" бош мураббийи Хосеп Гвардиола клубдаги фаолиятини давом эттиришга нима ундаётганини айтди.
Испаниялик футболчи "шаҳарликлар" бошқарувига 2016 йилнинг ёзида келганди. Ўтган мавсум давомида мутахассис 2027 йилнинг ярмигача мўлжалланган янги шартнома имзолади.
"Мени янги ходимлар, янги ўйинчилар руҳлантиради. Агар мен ўн йил давомида бир хил одамлар билан ишлаганимда, улардан чарчаган бўлардим ва улар мендан қанчалик чарчашларини тасаввур ҳам қилолмайсиз. Сафимизга Ҳусанов, Рейс, Эчеверри, Мармуш, Аит-Нури, Нико Гонсалес ва бошқа янгилар қўшилди. Уларга мослашишга, жамоага қўшилишга, яхшироқ бўлишга ёрдам беришни хоҳлаётганимни ҳис қилдим.
Биз илгари қилган ишларимиздан бутунлай бошқача иш қиляпмиз. Агар шунча вақт давомида бизда бир хил тактика, бир хил таркиб бўлганида, мен бу ерда ўн йил ушланиб қолмасдим. Ҳеч қачон", - деди Гвардиола матбуот анжуманида.
