"Милан" "Вест Хэм" ҳужумчиси Никлас Фюллкруг трансфери бўйича келишувга эришишга яқин турибди. Бу ҳақда журналист Фабрицио Романо хабар бермоқда.
Манбага кўра, якуний тафсилотлар ҳали келишилмаган, клублар келишувга эришиш учун музокаралар олиб бормоқда. Бир неча кун олдин Фюллкруг "Милан"га ўтишга розилик берганди. Трансфер сотиб олиш ҳуқуқи билан ижара форматида режалаштирилган, бунда опция мажбурий бўлмайди. Мумкин бўлган сотиб олиш миқдори 14-15 миллион евродан кам.
Жорий мавсумда германиялик ҳужумчи барча мусобақаларда тўққизта ўйинда майдонга тушди ва уларда гол ура олмади. Умумий ҳисобда Фюллкруг 413 дақиқа ҳаракат қилди. Футболчининг "Вест Хэм" билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 8 млн еврони ташкил этади.
