"Интер"нинг 29 ёшли нидерландиялик ҳимоячиси Дензел Дюмфрис учун "Манчестер Юнайтед", "Астон Вилла" ва "Ньюкасл" клублари кураш олиб бормоқда. Бу ҳақда TEAMtalk нашри ёзмоқда.
Яқинда тўпиғидан олган жароҳатига қарамай, АПЛ клублари футболчини ўз сафига қўшиб олмоқчи. Инсайдерлар маълумотига кўра, инглизлар Дюмфрис баҳорда жароҳатидан фориғ бўлгач, уни кузатиб бормоқчи. Ёзда воқеалар ижобий ривожланса, шартнома таклиф қилинади.
Дюмфрис 2021 йилдан бери "Интер"да ўйнамоқда. Ҳимоячи бу мавсумда 15 та ўйинда майдонга тушиб, 3 та гол урган.













