Вингер Серж Гнабри "Бавария" билан шартномасини узайтиришга яқин турибди. Бу ҳақда журналист Патрик Штрассер хабар бермоқда.

Манбага кўра, футболчининг янги келишуви унинг ўйинлари натижаларига асосланади ва маоши барча бонусларни ҳисобга олган ҳолда солиқлардан ташқари йилига тахминан 15 млн еврога етиши мумкин.

Гнабри икки сабабга кўра иш ҳақини қисқартиришга рози бўлди. Биринчидан, у "Бавария" билан мавсумнинг иккинчи ярмига эътибор қаратмоқчи ва келажаги ҳақида миш-мишларсиз Германия терма жамоаси билан ЖЧга бормоқчи. Иккинчидан, Гнабри "Бавария" бош мураббийи Венсан Компани ва унинг футбол фалсафасини жуда қадрлайди, шунинг учун унинг қўл остида ўйнашда давом этмоқчи.