"Манчестер Юнайтед" ҳужумчиси Беньямин Шешко жароҳатидан фориғ бўлиб яна жамоа сафига қайтгани ҳақида фикр билдирди.
"Мен қайтиб келиб, яна жамоа билан биргаликда бўлганлигимдан чинакамига бахтлиман. Ҳар бир дақиқадан завқ олишим, вақтни ажойиб ўтказишим ва кундан-кунга ўзимни такомиллаштиришга интилишим мумкин. Ҳар бир машғулотга чиқиб, голлар уришим - бу, шубҳасиз, орзу", - деди 22 ёшли словениялик форвард.
Шешко жорий мавсумда манкунианликлар сафида жами 13 та ўйинда 2 та гол уриб, 1 та ассист берди. У ўтган ёзда "Лейпциг"дан 76 миллион евро эвазига сотиб олинганди.
