"Барселона", "Ливерпуль", "Арсенал", "Челси" ва "Манчестер Юнайтед" жорий мавсум "Кальяри" сафида ижара асосида тўп тепаётган "Аталанта"нинг 20 ёшли ўнг қанот ҳимоячиси Марко Палестрани кузатиб бормоқда. Бу ҳақда Caught Offside хабар берди.
Манбага кўра, италиялик футболчига юқоридаги клублардан ташқари "Бавария" ва Мадриднинг "Атлетико" клублари ҳам қизиқиш билдирмоқда. Таъкидланишича, ҳозирда Палестранинг трансфер нархи 35-40 млн еврога баҳоланмоқда. Бироқ, "Аталанта" ҳимоячини сотишга шошилмаяпти.
Жорий мавсумда Палестра барча мусобақаларда 14 та ўйинда майдонга тушиб, 3 та голли узатмани амалга оширди. Transfermarkt порталида келтирилган маълумотларга кўра, футболчининг бозор нархи 8,5 млн еврони ташкил этади.
