Швециялик ёш вингер Руни Барджи шу йилнинг ёзида Даниянинг "Копенгаген" клубини тарк этиб, испан гранди "Барселона" сафига кўчиб ўтди. Аввалроқ, каталонияликларнинг истеъдодли футболчидан умиди катта экани ҳақида хабарлар тарқалган эди.
Маълум бўлишича, Англияда футболчини қўлга киритиш имконияти учун камида 5 та Премьер-лига клублари ўзаро рақобатлашмоқда, хусусан, улар: "Брайтон", "Кристал Пэлас", "Эвертон", "Ноттингем" ва "Сандерленд".
Жорий мавсумда Руни Барджи "Барселона" сафида 13 та ўйинда 341 дақиқа ҳаракат қилиб, 1 та гол урди ва 2 та голли узатмани амалга оширди. Transfermarkt швециялик футболчини 10 миллион еврога баҳоламоқда.
