«Навбаҳор» сафида якунланган мавсумда жамоа шарафини ҳимоя қилган футболчилар орасидан етакчиларни келаси мавсумда ҳам «лочинлар» таркибида олиб қолишга ҳаракат қилинмоқда.
Жамоа бош мураббийи Тимур Тоҳирович Кападзе тақдим этган шорт-лист асосида жамоамиз сафида сермаҳсуллик кўрсатиб, якунланган мавсумда Суперлига ва Ўзбекистон кубоги баҳсларида жами 28 та ўйинда майдонга тушиб, 2929 дақиқа ўйнаб, рақиблар дарвозасига 8 та гол уриб, 5 ассистни амалга оширган Забиҳилло Ўринбоев билан келишувга эришилиб, у билан тузилган амалдаги шартнома муддати узайтирилди.
«Навбаҳор» ПФК матбуот хизмати.













