"Барселона" якшанба куни 3 очко жамғариб, мухлисларини хурсанд қилди. "Вильярреал" меҳмони бўлган Ханс-Дитер Флик шогирдлари 2:0 ҳисобида ғалаба қозонди. Голларга Рафинья (пенальтидан) ва Ламин Ямал муаллифлик қилди.
Натижада "Барселона" 2-ўриндаги "Реал" билан 4 очколик фарқни тиклади. Каталонияликларнинг ҳисобида 46, мадридликларда эса 42 очко бор.
"Барселона" ва "Реал" футболчилари Янги йилни айнан шундай кўрсаткичлар билан кутиб олишади. Иккала жамоа ҳам Ла Лига доирасидаги навбатдаги ўйинларини 2026 йилнинг бошида ўтказади.
Испаниянинг амалдаги чемпиони "Барселона" ҳисобланади.













