Мадриднинг "Реал" ва "Барселона" клублари 2025 йилда сўнгги ўйинларини ўтказишди. "Кўк-анорранглилар" танаффусга Ла Лига турнир жадвали пешқадами сифатида йўл олган бўлса, "қаймоқранглилар" иккинчи поғонада бормоқда.
Машҳур WhoScored порталининг ўртача баҳо бўйича чемпионатнинг энг яхши ўйинчилари рейтингини "Барселона"нинг 18 ёшли вингери Ламин Ямал бошқармоқда - 8,34. Кейинги ўринда "Реал" тўпурари Килиан Мбаппе (8,04), учликни эса Каталония грандининг яна бир вакили Рафинья Диас (7,47) якунлаб берган. Тўртинчи ва бешинчи ўринлар ярим ҳимоячилар Жуд Беллингем (7,40) ва Педрига (7,32) тегишли.
Бу борада Винисиус Жуниор (7,31) бироз ортда қолган бўлса, бошқа жамоалар вакиллари орасида энг яхши кўрсаткич "Бетис" вакили Антонида - 7,30.













