"Барселона" ярим ҳимоячиси Френки де Йонг жамоадоши Ламин Ямал ҳақида гапирди.

18 ёшли вингер якшанба куни Ла Лигада "Вильярреал"га қарши кечган ўйин (2:0) қаҳрамонларидан бирига айланди. Рақиб мухлислари "кўк-анорранглилар" юлдузига ҳуштакбозлик қилишди, футболчи бунга гол билан жавоб қайтарди.

"Бу ҳар доим Ямалнинг ўзига хос хусусияти бўлган - у бундай шароитларда ўйнашни яхши кўради, чунки унинг характери кучли. Умид қиламанки, у бу фазилатини йўқотмайди ва шу руҳда давом этади," - деди де Йонг ўйиндан кейинги интервьюсида.

Ламин Ямал жорий мавсум "Барселона" сафида 20 та баҳсда 9 та гол ва 11 та ассистни ўз ҳисобига ёздириб қўйди.