"Barselona" yarim himoyachisi Frenki de Yong jamoadoshi Lamin Yamal haqida gapirdi.
18 yoshli vinger yakshanba kuni La Ligada "Vilyarreal"ga qarshi kechgan o‘yin (2:0) qahramonlaridan biriga aylandi. Raqib muxlislari "ko‘k-anorranglilar" yulduziga hushtakbozlik qilishdi, futbolchi bunga gol bilan javob qaytardi.
"Bu har doim Yamalning o‘ziga xos xususiyati bo‘lgan - u bunday sharoitlarda o‘ynashni yaxshi ko‘radi, chunki uning xarakteri kuchli. Umid qilamanki, u bu fazilatini yo‘qotmaydi va shu ruhda davom etadi," - dedi de Yong o‘yindan keyingi intervyusida.
Lamin Yamal joriy mavsum "Barselona" safida 20 ta bahsda 9 ta gol va 11 ta assistni o‘z hisobiga yozdirib qo‘ydi.
