"Манчестер Юнайтед"нинг собиқ футболчиси Уэйн Руни Англия терма жамоаси ва Лондоннинг "Арсенал" клуби ярим ҳимоячиси Деклан Райс ҳақида фикр билдирди.
"Мен Декланни Кейннинг Англия терма жамоасидаги ўринбосари деб биламан. Менимча, айнан у Харри кетганидан кейин терма жамоа етакчисига айланиши керак. Бунинг учун унда барча зарур фазилатлар мавжуд. Райсга ҳамма ҳурмат билан қарайди. У миллий жамоада алмаштириб бўлмайдиган футболчи," - дея Рунининг сўзларини келтиради BBC Sport.
26 ёшли Райс "канонирлар" сафида 2023 йилдан буён тўп тепиб келмоқда, унинг шартномаси 2028 йилнинг июнь ойи охиригача мўлжалланган. Англия терма жамоаси сафида Деклан 72 та ўйин ўтказиб, 6 та гол урган.
