"Manchester Yunayted"ning sobiq futbolchisi Ueyn Runi Angliya terma jamoasi va Londonning "Arsenal" klubi yarim himoyachisi Deklan Rays haqida fikr bildirdi.
"Men Deklanni Keynning Angliya terma jamoasidagi o‘rinbosari deb bilaman. Menimcha, aynan u Xarri ketganidan keyin terma jamoa yetakchisiga aylanishi kerak. Buning uchun unda barcha zarur fazilatlar mavjud. Raysga hamma hurmat bilan qaraydi. U milliy jamoada almashtirib bo‘lmaydigan futbolchi," - deya Runining so‘zlarini keltiradi BBC Sport.
26 yoshli Rays "kanonirlar" safida 2023 yildan buyon to‘p tepib kelmoqda, uning shartnomasi 2028 yilning iyun oyi oxirigacha mo‘ljallangan. Angliya terma jamoasi safida Deklan 72 ta o‘yin o‘tkazib, 6 ta gol urgan.













