Мадриднинг "Реал" клуби собиқ футболчиси Марсело бўлажак жаҳон чемпионати ҳақида фикр билдирди. Келгуси ёзда мундиалга учта давлат - АҚШ, Канада ва Мексика мезбонлик қилади.

"Бу ҳар бир жамоа ўз формасида бўладиган биринчи жаҳон чемпионати. Франция, Бразилия, Испания... турнирда ғолиб чиқиши мумкин бўлган бешга яқин жамоа бор. Бразилия терма жамоаси ва Анчелоттини кузатиб боринг. Биз ҳар доим фаворитлар қаторидамиз. Бразилия - миллий жамоалар орасида "Реал"дир," - дея Марсело сўзларини келтирмоқда Foot-Africa.

2026 йилги жаҳон чемпионатида Аргентина терма жамоаси кубокни ҳимоя қилади. Ўтган мундиал финалида "альбиселесте" Францияни 3:3 ҳисобидаги дурангдан сўнг пенальтилар сериясида мағлуб этганди.