Халқаро бокс ассоциацияси (IBA) президенти Умар Кремльёв Жаҳон чемпионати финалида юз берган можароли ҳолат — “қулоқ тишлаш” эпизоди бўйича ташкилотнинг чиқарган қарорига ўз муносабатини билдирди.

“Бу жанги кенг муҳокамаларга сабаб бўлди. Ушбу баҳсда Шумков ғалаба қозонди. Ҳакамлар тўғри қарор чиқарди. Бироқ учинчи раунднинг учинчи дақиқасида Шумков томонидан Ҳалоковнинг қулоғини тишлашга уриниш содир бўлди. Бу боксда тақиқланган ҳолат. Аммо бу эпизод жанг натижасига таъсир қилмаган, шунинг учун на боксчи, на мураббий, на жанг давомида, на ундан кейин ҳеч қандай шикоят билдирмади. Тартиб-интизом ва этика қўмитаси вазиятни чуқур таҳлил қилди. Жанг натижаси бўйича ҳеч қандай шубҳа ёки эътироз бўлиши мумкин эмас: Шумков бу жангда ҳаққоний равишда ғалаба қозонди.

Бироқ Шумковнинг Ҳалоковнинг қулоғини тишлаган ҳаракатини ҳеч ким, шу жумладан мен ҳам оқламайман. Бу нотўғри хатти-ҳаракат ва бундай хатоларга йўл қўйиб бўлмайди. Вазият жанг натижасига таъсир қилмаган, мураббийлар ва боксчилар томонидан эътироз билдирилмаган, шунинг учун натижа экспертлар томонидан ўз кучида қолдирилди. Шу билан бирга, Шумковга берилган мукофотининг 50 фоизи жаримага йўналтирилади.

Такрор айтаман, бундай ҳолатларни қоралаймиз. Бизнинг позициямиз бу борада аниқ. Келажакда ушбу икки боксчи ўртасида реванҳ жанги ўтказамиз. Ўртага IBA чемпионлик камари қўйилади. Жанг саккиз раунддан иборат бўлади ва ким кучли эканини ринг кўрсатади. Боксчиларнинг жамоаларидан таклифга жавоб кутамиз”, деди IBA президенти Умар Кремльёв ўзининг Instagram саҳифасида.

​Маълумот учун, аввалроқ IBA ушбу ҳолат бўйича расмий қарор қабул чиқарган эди. Унга кўра, ушбу ҳолат тасодифий деб топилган ва жанг натижасига таъсир кўрсатмаган. Шу сабабли финал баҳсининг натижаси ўзгармасдан қолдирилган.