"Манчестер Юнайтед" январь трансфер ойнасида ҳужумчи Жошуа Зиркзени таркибда сақлаб қолишни режалаштирмоқда, дея хабар бермоқда ESPN манбаларга таяниб.
Манбаларга кўра, бундай қарор кўп сонли жароҳатланганлар ва футболчиларнинг Африка Кубогига кетиши билан боғлиқ.
Мунтазам ўйин амалиётида муаммоларга дуч келаётган 24 ёшли нидерландиялик футболчига "Вест Хэм" ва "Рома" қизиқиш билдирмоқда.
Ҳужумчи 2025/26 йилги мавсумда 11 та ўйинда майдонга тушиб, 1 та гол урган. Унинг "МЮ" билан шартномаси 2029 йилнинг 30 июнига қадар имзоланган.
Transfermarkt портали футболчининг трансфер қийматини 25 миллион еврога баҳолаган.
