Италиялик собиқ мураббий Фабио Капелло "Вест Хэм" ҳужумчиси Никлас Фюллькруг ҳақида гапирди.
"Россонерилар" 32 ёшли футболчининг ижара шартномасини якунлашга яқин.
Кутилмаган ўзгаришлар бўлмаса, немис футболчиси январь ойининг бошида Массимилиано Аллегри жамоасига қўшилади.
"Фюллкруг "Милан"га мос келадими? Бу жиддий савол. Ҳақиқий ҳужумчисиз ўйнаш, албатта, қийин. Фюллкруг - эски мактаб ҳужумчиси ва клуб, албатта, ўз даражасидаги футболчини тизимга қандай интеграция қилиш ҳақида ўйлаган.
Лекин гап фақат ҳужумчида эмас. "Милан" Европа мусобақаларида қатнашмайди, бу уларга А Сериядаги рақиблари билан баҳсларда жуда муҳим устунлик беради", - дея Капеллонинг сўзларидан иқтибос келтиради La Gazette dello Sport.













