Куз бошида "Наполи" "Манчестер Юнайтед"дан ҳужумчи Расмус Хёйлундни ижарага олди. Ўшандан бери даниялик 19 та расмий ўйин ўтказиб, еттита гол урди ва шерикларига учта голли узатмани амалга оширди.
"United Update" нашрининг La Gazzetta dello Sport’га таяниб хабар беришича, Хёйлунднинг "Наполи"га доимий трансфери барбод бўлиши мумкин. Сабаби - Неаполь клубининг молиявий муаммолари.
Февраль ойида Расмус ўзининг 23 ёшини нишонлайди. "Наполи" айни дамда А Серия турнир жадвалида учинчи ўринда бормоқда. Биринчи ўриндаги "Интер"дан Антонио Конте жамоаси бор-йўғи икки очко ортда қолмоқда.
