Испания Ла Лигаси декабрь ойи якунлари бўйича энг яхши мураббий номига даъвогарлик қиладиган мутахассислар номини эълон қилди.
"Барселона"дан Ханс-Дитер Флик, "Сельта"дан Клаудио Хиральдес ва "Эспаньол"дан Маноло Гонсалес номзодлар рўйхатига киритилди.
"Барселона" декабрь ойида Ла Лигада тўртта ўйин ўтказди ва уларнинг барчасида ғалаба қозонди. "Сельта" якунланаётган ойнинг учта ўйинида тўққиз очкодан еттитасини қўлга киритди. "Эспаньол" учта ўйинда максимал очко тўплади.
Эслатиб ўтамиз, "Барселона" Испания чемпионатида (46 очко) пешқадамлик қилмоқда. "Эспаньол" бешинчи (33), "Сельта" эса еттинчи (23 очко) ўринда бормоқда. Кейинги тур 2026 йил бошида бўлиб ўтади.
