"Барселона" қишки трансферлар вақтида ҳимоя марказини кучайтириш вариантларини ўрганишда давом этмоқда. "Кўк-анорранглилар" "ҳамёнбоп" нархга эга муносиб янги футболчини топишга умид қилмоқда.
Diario SPORT нашри тарқатган хабарга кўра, Ла Лига гранди қизиқишлари доирасига Берлиннинг "Унион" клубидан Диогу Лейте тушган. Португалиялик футболчи талабларга жавоб беради ва январь ойида сотиб олиниши мумкин.
23 январь куни Диогу Лейте 27 ёшга тўлади, унинг "Унион" билан шартномаси жорий мавсум якунлангач тугайди. Нуфузли Transfermarkt портали мутахассислари футболчининг нархини 12 млн еврога баҳоламоқда.
Леите икки марта Португалия терма жамоасига чақирилган, аммо миллий терма жамоада дебют қилмаган.
