Ўтмишда Франция терма жамоасида тўп тепган машҳур футболчи Франк Лебёф икки ҳамюрти - "Реал" ҳужумчиси Килиан Мбаппе ва "қаймоқранглилар"нинг собиқ футболчиси Зинедин Зиданни таққослади.
Мутахассиснинг фикрича, Зиданнинг даражаси шу қадар юқорики, Мбаппе унга ета олмайди.
"Йўқ, албатта, таққослаб бўлмайди. У ҳеч қачон Зиданга етиб ололмайди ва эҳтимол, ҳеч ким унга етиб ололмайди", - дея Лебёфнинг сўзларини келтиради Goal.
Зинедин Зидан 2006 йилда фаолиятини якунлаган. Франциялик футболчи "Реал"дан ташқари "Ювентус" ва "Бордо" клубларида тўп тепган. У икки карра Италия ва Испания чемпиони бўлган. Терма жамоа таркибида Зидан 1998 йилда жаҳон чемпионатида ғолиб чиқди.
