"Милан" яримҳимоячиси Адриен Рабьо жамоадоши португалиялик вингер Рафаэл Леау ҳақида гапирди.

"Рафа Леау катта салоҳиятга эга десак адолатдан бўлади: у кучли, буни исботлади. Бу ерга келганимдан бери Леау ўзгариб кетди. Ишга муносабат даражасида у бошқача бўлиб қолди ва бу жуда муҳим жиҳат. У юқори даражадаги ўйинчи ва биз буни яхши биламиз. Шу билан бирга у ўсишда давом этиши керак. Ҳаммаси унинг ўзига боғлиқ", - дея Рабьонинг сўзларини келтиради La Gazzetta dello Sport.

Trnasfermarkt интернет портали Рафаэл Леаунинг бозор нархини 70 млн еврога баҳоламоқда. У жорий мавсум "Милан" сафида барча мусобақаларда 12 та ўйинда майдонга тушди ва 6 та гол ҳамда 1 та голли узатмага муаллифлик қилди.