Ярим ҳимоячи Харви Эллиотт муддатидан аввал "Ливерпуль"га қайтади. Сентябрь ойидан буён футболчи ижара асосида "Астон Вилла" шарафини ҳимоя қилмоқда.
Инсайдер Фабрицио Романонинг маълум қилишича, битим қишки трансферлар даврида бекор қилинади. Шундан сўнг "Ливерпул" ўз футболчиси билан боғлиқ вазиятга баҳо беради. Элиотт ё клубда қолади, ё яна бошқа жамоага ижарага кетади. Бироқ, ФИФА қоидаларига кўра, Харви фақат еврокубокларда иштирок этмайдиган клубда ўйнаши мумкин.
Харви Эллиотт "Ливерпуль"га 2019 йилда "Фулхэм"дан 1,7 миллион евро эвазига ўтганди. Унинг шартномаси 2027 йилнинг 30 июнига қадар имзоланган. Жорий мавсумда ярим ҳимоячи еттита ўйинда майдонга тушиб, битта гол урди.
