Франциялик собиқ ҳужумчи Давид Трезеге Туриннинг "Ювентус" жамоасида ўн йил, 2000 йилдан 2010 йилгача ўйнаган.
Клуб Б Серияга тушиб кетганида ҳам Трезеге "Ювентус"да қолди. Интервьюда у Турин клубида урган энг яхши голини айтди ва бу гол "Милан"га қарши баҳсда урилганини эслади.
"Мен A Сериядаги энг яхши голимни осонгина эслайман. Бу 2004/2005 йилги мавсумда "Милан"га қарши тўпни бош билан дарвозага киритганимда эди ва биз Скудеттони қўлга киритдик.
Ўша ўйин деярли бизга ғалабани кафолатлаган эди. Ўшанда "Милан" жуда кучли эди", деди Трезеге.













