"Барселона" қишдаёқ Марк-Андре тер Штегенни йўқотиши мумкин.
Таниқли журналист ва инсайдер Экрем Конурнинг сўзларига кўра, агар "Астон Вилла" "Барселона" билан келишувга эриша олса, 33 ёшли германиялик дарвозабон тез орада Англия Премьер-лигасига йўл олиши мумкин.
Қайд этилишича, "Вилла" дарвозабони Эмилиано Мартинеснинг кетиши ҳақидаги миш-мишлар фонида клуб ўйин амалиёти етишмаслиги сабабли Каталонияни тарк этишга қарор қилган "кўк-анорранглилар"нинг тажрибали дарвозабонини ўз сафига қўшиб олишга ҳаракат қилмоқда.
Аввалроқ, "Барселона" бош мураббийи Ханс-Дитер Флик жамоанинг асосий дарвозабони Жоан Гарсия бўлишини, тер Штеген эса захирада қолишини маълум қилганди. Бу ҳолат германиялик дарвозабонга маъқул келмади ва у имкон қадар тезроқ клубини ўзгартиришга қарор қилди.
"Астон Вилла" ва "Барселона" ўртасидаги музокаралар юқори босқичда экани айтилмоқда.
