"Манчестер Юнайтед" узоқ вақтдан буён илк бор Англия Премьер-лигаси ўйинида ўз дарвозасини дахлсиз сақлаб қолди.
Жума куни "қизил иблислар" ўз уйида "Ньюкасл" устидан минимал ҳисобда ғалаба қозонди. Ягона гол 24-дақиқада Патрик Доргу томонидан киритилди. Бу АПЛнинг жорий мавсумида Рубен Аморим жамоаси дарвозасини дахлсиз сақлаб қолишга муваффақ бўлган иккинчи ҳолат. Биринчи "қуруқ" ўйин октябрь ойи бошида бўлиб ўтган эди ("Сандерленд" билан 2:0).
Фақат "Вест Хэм" (1) ва "Вулверхэмптон" (0) ҳисобида гол ўтказмаган ўйинлар сони бундан ҳам кам. Ушбу кўрсаткич бўйича пешқадам "Арсенал" (9) бўлиб турибди.













