"Manchester Yunayted" uzoq vaqtdan buyon ilk bor Angliya Premyer-ligasi o‘yinida o‘z darvozasini daxlsiz saqlab qoldi.

Juma kuni "qizil iblislar" o‘z uyida "Nyukasl" ustidan minimal hisobda g‘alaba qozondi. Yagona gol 24-daqiqada Patrik Dorgu tomonidan kiritildi. Bu APLning joriy mavsumida Ruben Amorim jamoasi darvozasini daxlsiz saqlab qolishga muvaffaq bo‘lgan ikkinchi holat. Birinchi "quruq" o‘yin oktyabr oyi boshida bo‘lib o‘tgan edi ("Sanderlend" bilan 2:0).

Faqat "Vest Xem" (1) va "Vulverxempton" (0) hisobida gol o‘tkazmagan o‘yinlar soni bundan ham kam. Ushbu ko‘rsatkich bo‘yicha peshqadam "Arsenal" (9) bo‘lib turibdi.