"Барселона" ҳужумчиси Роберт Левандовски Польша терма жамоасидаги муаммолари ҳақидаги саволга жавоб берди.
"Узоқ йиллар давомида терма жамоадаги шерикларим клублардаги ҳамкасбларим билан бир хил даражада ўйнашини кутган эдим. Бу менинг хатоим эди ва мен буни фақат вақт ўтиши билан англадим. Сардор ҳеч қачон ҳаммага ёқмайди - у кимдир нимадандир норози бўлса ҳам, йўналиш бериши керак," - дея 37 ёшли футболчининг интервьюсидан иқтибос келтиради The Touchline.
Роберт Левандовски Польша терма жамоаси сафида 163 та ўйинда 88 та гол урган. Ҳужумчининг дебюти 2008 йилда бўлиб ўтган.













