"Манчестер Юнайтед"нинг собиқ футболчиси Рой Кин жамоа бош мураббийи Рубен Аморим ҳақида қандай фикрда эканини айтди.
Португалиялик мутахассис "қизил иблислар" бошқарувидаги иккинчи мавсумини ўтказмоқда. Айни дамда манкунианликлар Премьер-лига турнир жадвалида еттинчи ўринни эгаллаб турибди.
"Аморимга ишончим комил эмас. У тўлиқ мавсумолди даврни ўтказди, унга янги футболчилар қўшилди, жамоада еврокубоклар йўқ, аммо натижалар барибир яхши эмас. Кутишда давом этамиз. Аввалги саволлар ҳеч қаерга кетмади. Гап кучли тўртликка кириш ҳақида кетмоқда, аммо ҳозир улар бунга тайёр эмас," - деди Кин "Ньюкасл"га қарши ўйин (1:0) бошланишидан олдин Sky эфирида.
