Лондоннинг "Арсенал" клуби собиқ футболчиси Пол Мерсон Микель Артета жамоасининг Англия премьер-лигаси чемпионлик пойгасидаги истиқболлари ҳақида фикр билдирди.

"Агар "Брайтон" устидан ғалаба қозонилса, кейин "Астон Вилла" билан ўйинда муваффақиятга эришилса, ўйлайманки, лондонликлар чемпионликни кафолатлашади. Агар улар иккала ўйинда ҳам ғалаба қозонишса, бундай бўлмаслигини тасаввур қила олмайман", - дея Мерсоннинг сўзларини келтиради Sportskeeda.

"Арсенал"нинг "Брайтон"га қарши ўйини бугун, 27 декабрь куни Лондондаги "Эмирейтс" стадионида бўлиб ўтади.