"Ювентус" ҳужумчиси Кенан Йилдиз "Пиза"га (2:0) қарши ўйинда гол урди.
Туркиялик футболчи ҳакам томонидан қўшиб берилган дақиқаларда дарвозани ишғол қилиб, "бьянконерилар"нинг ишончли ғалабасини таъминлади. Opta хабарига кўра, Йилдиз А Серияда 21 ёшгача бўлган футболчилар орасида урган голлари сони бўйича (15) клуб афсонаси Алессандро дель Пьерога етиб олди. "Кекса синьора"нинг ҳозирги етакчиси ўз кумири билан бу кўрсаткич бўйича клуб тарихида олтинчи ўринни бўлишиб турибди.
Кенан Йилдиз ҳозир 20 ёш-у 238 кунлик. Жорий мавсумда футболчи барча мусобақаларда Турин жамоаси сафида 23 та ўйинда 7 та гол ва 6 та ассистни ўз ҳисобига ёздириб қўйди.
