"Yuventus" hujumchisi Kenan Yildiz "Piza"ga (2:0) qarshi o‘yinda gol urdi.

Turkiyalik futbolchi hakam tomonidan qo‘shib berilgan daqiqalarda darvozani ishg‘ol qilib, "byankonerilar"ning ishonchli g‘alabasini ta’minladi. Opta xabariga ko‘ra, Yildiz A Seriyada 21 yoshgacha bo‘lgan futbolchilar orasida urgan gollari soni bo‘yicha (15) klub afsonasi Alessandro del Pyeroga yetib oldi. "Keksa sinyora"ning hozirgi yetakchisi o‘z kumiri bilan bu ko‘rsatkich bo‘yicha klub tarixida oltinchi o‘rinni bo‘lishib turibdi.

Kenan Yildiz hozir 20 yosh-u 238 kunlik. Joriy mavsumda futbolchi barcha musobaqalarda Turin jamoasi safida 23 ta o‘yinda 7 ta gol va 6 ta assistni o‘z hisobiga yozdirib qo‘ydi.