"Бёрнли"нинг чап қанот ҳимоячиси Квилиндси Ҳартман Нидерландиянинг "Аякс" клубининг трансфер мақсадига айланди. Бу ҳақда инсайдер Фабрицио Романо хабар бермоқда.
Манбага кўра, "Аякс" 24 ёшли футболчининг эҳтимолий трансфери бўйича аллақачон "Бёрнли" билан боғланган. Қайд этилишича, Ҳартман "Аякс"нинг январдаги трансферлар ойнасидаги асосий мақсадларидан бири ҳисобланади.
Ҳартман жорий йилнинг ёзида "Бёрнли" сафига келиб қўшилганди. Жамоа таркибида у Премьер-лигада 15 та ўйинда майдонга тушди ва тўртта голли узатмани амалга оширди.
Ҳартманнинг клуб билан амалдаги меҳнат шартномаси 2029 йилнинг ёзигача мўлжалланган. Transfermarkt мутахассислари футболчининг нархини 18 миллион еврога баҳоламоқда.
