"Барселона" "Интер" ҳимоячиси Стефан де Врейни ўз сафига қўшиб олмоқчи.
Mundo Deportivo хабарига кўра, нидерландиялик футболчининг кетиши миланликлар бошқа марказий ҳимоячи сотиб олиши ёки олмаслигига боғлиқ. "Интер" "Лацио"дан Марио Хила ва "Сассуоло"дан Тариқ Муҳаремовичга қизиқиш билдирмоқда. Агар "Интер" улардан бирини ўз сафига қўшиб олса, бу де Врейнинг кетишига йўл очади.
Стефан де Врей 2018 йилда "Лацио"дан "Интер"га эркин агент сифатида ўтган эди. Унинг шартномаси 2026 йилнинг 30 июнига қадар имзоланган. Жорий мавсумда 33 ёшли ҳимоячи миланликлар сафида 11 та ўйинда майдонга тушди ва уларда гол ура олмади. Transfermarkt портали нидерландияликни 3,5 миллион еврога баҳоламоқда.
