"Кристал Пэлас" ҳужумчиси Жан-Филипп Матета "Манчестер Юнайтед" қизиқишлари доирасига тушиб қолди, дея хабар бермоқда Sky Sports.
Манбага кўра, манкунианликлар ҳозирда ҳужумчи қидирмаяпти, аммо 28 ёшли французни қўлга киритиш имкони бўлса, бозорга чиқишга тайёр. Ёзда "Кристал Пэлас" футболчини 50 миллион фунтга сотишдан бош тортганди.
Матета 2021 йилдан бери Лондон клуби шарафини ҳимоя қилмоқда. Бу мавсумда у барча мусобақаларда 28 та ўйинда майдонга тушиб, 9 та гол урди ва 2 та голли узатмани амалга оширди.
Transfermarkt портали Матетнинг бозор нархини 40 миллион еврога баҳоламоқда. Унинг клуб билан шартномаси 2027 йилнинг ёзигача мўлжалланган.
